قبل شوية لاقاني مقطع فديو لي واحدة من الصفحات الي بتعمل إستضافات لي الجماهير في الشارع ، و انا م زول بحب اتكلم في الناس .
في عادات بدأت تبقى عادية في مجتمعنا الي هي بجي المذيع و يجيب ضيوف و يتكلمو في مواضيع ما ليها اي قيمة لا لي المذيع ولا لي الضيوف و لا حتى لي المشاهد نفسو .
“الحب، العلاقات الغير شرعية و غيرها من المواضع عديمة القيمة ”
و الي خلاني اكتب هو إن الناس بتفتش عن المشاهدات أكثر من ما بتفتش عن المعلومات الي بتطرحها في برامجها .
لو حتى لو كانت المشاهدات فيها مقابل مادي ما ببقى عذر عشان الناس تقدم محتوى رديئ .
نحنا في فترة تضع فيها الحرب أوزارها ، و بدل الشعب يسعى في إعادة إعمار عقولهم و أرضهم ،الناس قاعدة تتابع و تدعم في مواضيع لا تغني ولا تسمن من جوع .
ي أخوانا نحنا ما كلنا كويسين و ما شاء الله علينا ،لكن نحنا بنحاول نحسن من نفسنا عشان نقدر نعيش في بيئة توفر لينا حياة كريمة ماديا و فكريا .
بتمني الناس ما تاخد الموضوع كانو كلام و تنسي ، بتمني كل واحد فيكم قرأ البوست يوقف متابعة المحتوى عديم القيمة و تتابع مواضيع تقدر تستفيد منها على صعيدو الشخصي.
أنا معاذ سلمان و دا كلامي .
#خليك_واعي
#شيرك_بنفع_غيرك
